Kraj je napokon došao za Internet Explorer
Foto: NWN
Internet Explorer je zvanično mrtav. Microsoft povlači IE nakon skoro 27 godina. Zastarjeli veb pretraživač se povlači u korist Microsoft Edge-a, a podrška je zvanično povučena za IE 11 danas. To je kraj internet ere, nakon što se Microsoft prvobitno udaljio od brendiranja Internet Explorer-a izdavanjem Windows-a 10 2015 godine.
Za korisnike, nema mnogo promjena. Upotreba Internet Explorer-a je naglo opala posljednjih godina, a StatCounter pokazuje da IE ima manje od pola procenta ukupnog tržišnog udjela pretraživača. Microsoft već godinama pokušava da spriječi ljude da koriste Internet Explorer, a kompanija ga je ranije označila kao „rješenje za kompatibilnost“, a ne kao pretraživač koji bi preduzeća trebalo da aktivno koriste.
Microsoft će u narednim mjesecima početi da uvodi novi “redirekt” koji preusmjerava one koji još uvijek koriste Internet Explorer na Microsoft Edge. Na kraju, Internet Explorer će biti trajno onemogućen kao dio budućeg ažuriranja za Windows.
PROČITAJTE JOŠ: Proveli smo dan sa softver inženjerom iz Microsoft razvojnog centra iz Beograda
